طفله بكلمه الحب تتلعثم

زائر

خوفي من زمانن فيه نضحك ونتبســَّـم
يغدر بنا وبدل مانضحك نصيح

خوفي بعد ماعشقتك وانت فيني متيــَّم
نتفارق بدرب وكل منا جريح

ماودي العذال بآهاتنا تترنـَّــم
حاسب مزن حبنا يصبح شحيح

الخوف مو منك من زمانن مظَلـــِّـم
قادر على الفرقا للدمع مستبيح

أبي تطمني أبي منك أتعلـَّـم
أبي تقويني لجل ما أوقف وأطيح

ترا الوحدة تخوف والفراق يألـِّــم
اسألني كم عشت من أسبابه ذبيح

كل ماجمعتني ولشتاتي ألملِـم
هاج ونثرني غبار الوقت والريح

اطوي صفحة آلامي ولحالي تفهـَّـــم
لاتلوم ولا تعاتب أو عني تشيح

تعال وامسح عني دمع الشقا والهـم
أبي ثلوج البعد في قربك تسيح

اعتبرني طفلة بكلمه الحب تتلعثـم
بس ضمها لصدرك بتغفى وتستريح